Cursos CIG-Ensino para Traballadores do Ensino Público que estean en activo no momento de formalizar a matrícula. (Exclúense os traballadores do ensino concertado). Estes cursos financiados dentro do Plano Inter-administrativo de formación continua do FORCEM, polo que son gratuítos.

Cursos CIG-Ensino para Traballadores/as do Ensino Público que estean en activo no momento de formalizar a matrícula. (Exclúense os traballadores do ensino concertado)

Estes cursos  son financiados dentro do Plano Interadministrativo de formación continua do FORCEM, polo que son gratuítos.

1.       Premer no apartado ficha de inscrición para cubrir o formulario. Esta ficha estará aberta a partir das 10 da mañá da data indicada.

2.       No caso de ser admitido/a  recibirás, uns días antes de comezo do curso,  un correo electrónico para comunicarcho e para que ti confirmes a asistencia no prazo que se che indicará.

3.       Nos primeiros días dos cursos presenciais deberás presentar a seguinte documentación ao/á docente:

a.       Fotocopia do Documento de identidade.

b.      Fotocopia da Cartilla da Seguridade Social

c.       Fotocopia da última nómina da Consellaría de Educación

d.      Ficha de datos de alumno/a do curso (que che facilitará FORGA)

4.       No caso dos cursos on-line é preciso que achegues (por correo convencional ou entregándoo en persoa) esta documentación ao local nacional de CIG-Ensino : CIG-FORMACIÓN (Ensino), Rúa Miguel Ferro Caaveiro,10, 1º.15703. Santiago. A ficha de datos do alumno/a seráche enviada unha vez que comeces a executar o curso; deberás asinala e enviala xunto coa devandita documentación. As persoas que xa fixeran algún curso on line a través da plataforma cigrede deben recordar o contrasinal. Os que non, teñen que facer o rexistro dos seus datos antes de formalizar a matrícula.