Lei de Convivencia
Concentración diante do consello escolar contra a lei de Convivencia do PP
18/7/2011 Ofensiva da Consellaría contra o ensino público galego
O pasado venres 15 de xullo o DOG publicou a Lei 4/2011 de convivencia e participación da Comunidade Educativa. Nos vindeiros meses poderemos comprobar como esta Lei foi imposta cos votos do PP no Parlamento Galego co único obxectivo de procurar un mecanismo máis para reducir a presenza da nosa lingua no ensino.
Entrega de sinaturas lei de convivencia
10/5/2011 Anxo Louzao, secretario nacional, asegura que non vai solucionar os problemas e que está concibida unicamente para avalar a consulta sobre lingua aos pais e nais
A CIG-Ensino fixo hoxe entrega, no rexistro xeral da Xunta de Galiza, en San Caetano, dunha primeira quenda de 3.512 sinaturas recollidas entre o profesorado, contra o proxecto de Lei de Convivencia que vén de presentarse no parlamento para a súa toma en consideración. Unha lei que, segundo explicou Anxo Louzao, aposta por métodos autoritarios e represivos para enfrontar os conflitos; non vai acompañada nin de recursos, nin de medios para reforzar a autoridade do profesorado e que ten como verdadeiro obxectivo dar o aval legal ás consultas a pais e nais para reducir a presenza do galego no sistema educativo.
20110426 Lei Convivencia Concentración Diante Parlamento
26/4/2011 Con esta concentración a CIG-Ensino quere manifestar o seu rexeitamento á imposición desta Lei, para a que o Consello Escolar de Galiza, así como numerosos Consellos Escolares Municipais, xa solicitaron a súa retirada
A CIG-Ensino concentrouse diante do Parlamento de Galiza hoxe, 26 de abril, coincidindo co debate no parlamento do proxecto de Lei de Convivencia e Participación da Comunidade Escolar, para manifestar o seu rexeitamento á imposición desta Lei, como tamén así o fixeron o Consello Escolar de Galiza e numerosos Consellos Escolares Municipais mediante a solicitude da súa retirada.
Concentración diante do consello escolar contra a lei de Convivencia do PP
15/2/2011 Outro órgano de participación da comunidade educativa que se manifesta contra a lei do PP
O Consello Municipal de Educación de Santiago, na sesión extraordinaria, celebrada onte, 14 de febreiro, aprobou a proposta da CIG-Ensino de solicitar a retirada do anteproxecto de Lei de Convivencia e Participación da Comunidade Educativa ( 16 votos a favor, 1 en contra e 2 abstencións), exixíndolle á Consellaría de Educación que abra un debate no ámbito educativo, atendendo as demandas do Consello Escolar de Galiza.
consello escolar
28/1/2011 A CIG-Ensino levou a cabo, hoxe, 28 de xaneiro, unha concentración diante do consello escolar para exixir a retirada da lei de convivencia
O Pleno do Consello Escolar de Galiza, máximo órgano de participación da comunidade escolar, rexeitou o Anteproxecto de Lei Convivencia e Participación da Comunidade Escolar que se someteu hoxe a ditame, e acordou pedir a súa retirada e, polo tanto devolvelo á Consellaría. O Anteproxecto de Lei de Convivencia recibiu 21 votos en contra, 2 abstencións e só 11 a favor de mantelo.
convivencia
25/1/2011 A CIG presenta unha emenda a totalidade esixindo a retirada da Lei de Convivencia no Consello Escolar de Galiza e no Observatorio de Convivencia
A CIG-Ensino, presentou ao observatorio Autonómico de convivencia Escolar unha emenda a totalidade do anteproxecto de lei de convivencia e participación esixindo a a súa retirada. Así mesmo, tamén, temos presentado para o pleno do Consello Escolar de Galiza unha emenda a totalidade esixindo a súa retirada.Achégamos as emendas apresentadas ao observatorio eao Consello Escolar de Galiza Lamentara actitude da Consallería por non permitirnos substituir ao noso representante, que se atopa de baixa, para así poder asistir a reunión, furtandolle a representación ao 43% profesorado.
Rolda de Prensa Lei de Convivencia Anxo Louzao Ana Rodiño
18/1/2011 O Consello Escolar tratará o anteproxecto o 28 de xaneiro
Hoxe, día 18 de xaneiro, Anxo Louzao, Secretario Nacional da CIG-Ensino, valorou, en rolda de prensa, o anteproxecto de Lei de Convivencia e Participación da Comunidade Educativa e expuxo as propostas, campaña e accións que a CIG-Ensino vai levar a cabo. Para a CIG-Ensino, o feito de ter presentado un proxecto de participación da Comunidade Educativa en período de vacacións, sen consulta previa, con escasa marxe para presentar emendas e sen convocar a Mesa Sectorial xa é unha mostra de que non hai interese real ningún en que sirva realmente para o que enuncia no nome.
Engadir ao calendario