|
|
| | Entrada / SINATURAS | Domingo, 27 de Xullo de 2008 |
|
|
 | Recollida de sinaturas |  |
| Pola rectificación da orde de optativas do bacharelato | |
 | | Polo mantemento da optativa de Literatura Galega do s. XX, así como a Literatura Universal Contemporánea, Literaturas Hispánicas e xeoloxía | | | CIG-ensino comprométese a gardar rigurosa confidencialidade dos datos inseridos e a non facer uso dos mesmos máis que para a fin da campaña indicada, como sinaturas recollidas en liña e adxuntadas ao pé do escrito abaixo expresado. | | O profesorado, abaixo asinante, perante a publicación da Orde de 25 de xuño de 2008 (DOG, 27 de xuño) que estabelece a relación de materias optativas do Bacharelato e regula o seu currículo e oferta, na que se suprime, entres outras, a materia de Literatura Galega do s. XX, quere manifestar o seguinte:
· Resulta inaceptábel que, unha vez rematado o curso, sen previa negociación na Mesa Sectorial Docente, nin sequera información, se publique unha orde que suprime materias optativas da importancia de Literaturas Hispánicas, Literatura Universal Contemporánea e Literatura Galega do s. XX e Xeoloxía que se viñan impartindo nos centros educativos.
· É unha provocación que despois das abondosas mobilizacións, da folga e das numerosas sinaturas en demanda doutro modelo de bacharelato máis compensado, laico e de calidade, que recollía entre as súas reivindicacións a defensa destas materias optativas, agora veña a Consellaría e as liquide sen ningún tipo de rubor, cando ademais estaba solicitada a negociación desta orde antes de que fora publicada.
· Con esta imposición tamén se está infrinxindo a legalidade vixente xa que, como a Conselleira sabe, é preceptiva a negociación de todos aqueles asuntos que afectan ás condición laborais do profesorado. Con esta modificación é obvio que vai haber profesorado que se vexa afectado ao diminuír o número de horas asignadas aos departamentos que viñan impartindo estas materias.
· Trátase dunha medida desprezativa coa nosa cultura. Preténdese desvalorizar a nosa literatura, percibíndoa sen a suficiente entidade para que o alumnado que o desexe poida afondar no seu estudo. É un feito sen precedentes que se liquide unha conquista histórica do ensino galego. Esta medida amosa o desprezo máis absoluto por todo o que nos identifica e nos é propio, provocando, intencionadamente, unha maior desgaleguización do ensino.
· Estamos ante unha medida moi grave, a través da cal a Consellaría traslada ao ensino o seu complexo de inferioridade e o autoodio que ten sobre a nosa literatura e cultura, pois, ningunha cultura normalizada expulsa do sistema educativo o estudo demorado da súa propia literatura e moito menos se se trata dunha cultura non normalizada como é a galega.
Por todo o anteriormente exposto, esiximos que se modifique a Orde para que o estudantado galego que o desexe poida estudar como optativa no Bacharelato a materia de Literatura Galega do s. XX, así como a Literatura Universal Contemporánea, as Literaturas Hispánicas e Xeoloxía. | | Esta campaña estará activa en www.cig-ensino.com desde o 02/07/2008 ata o 02/10/2008 |
 | www.ciga-ensino.org |  |
|
|
|
|
