Fonte RSS - CIG-Ensino - Confederación Intersindical Galega

Formación de adultos

xela — Wed, 16 May 2012 10:09:26 +0200

Start: 16/05/2012 - 10:00

Orde coa convocatoria de axudas para a realización de actividades de formación de adultos durante o ano 2012.

Axudas a alumnado universitario

xela — Wed, 16 May 2012 10:07:49 +0200

Start: 16/05/2012 - 10:00

Axudas destinadas ao alumnado que curse estudos universitarios no ano académico 2011-2012 que por causa sobrevida ou imprevista teña dificultades económicas para continuar estudos.

Acceso a ciclos formativos

xela — Wed, 16 May 2012 10:04:07 +0200

Start: 16/05/2012 - 10:00

Resolución definitiva de exencións para as probas de acceso a ciclos formativos de grao medio.

Comisións de saúde e conciliación

suso.bermello — Tue, 15 May 2012 19:46:57 +0200

Start: 15/05/2012 - 19:46

Aberto o prazo para os participantes no CXT de todos os corpos agás o de mestres para solicitar comisións de servizo de saúde e concilia. A partir de mañá, 16 de maio, tamén se abre o prazo ordinario para que pidan concilia os docentes que non participaron no CXT.

O Concello de Santiago tenta evitar que haxa manifestación polo Día das Letras

DiegoBS — Tue, 15 May 2012 18:34:51 +0200

Carlos Callón, como presidente da Mesa e portavoz nacional de Queremos Galego, asevera que “desde que A Mesa existe, hai 26 anos, nunca nos encontramos cunha resolución tan disparatada para unha mobilización en defensa do noso idioma”. “Quérennos deixar sen voz: temos máis razóns que nunca para erguela e para acudir a Compostela o Día das Letras”, aseverou Callón, quen considera que, “o actual goberno de Santiago ten un problema moi serio coa tolerancia lingüística e cultural e coa liberdade de expresión, como puidemos ver primeiro co Correlingua e agora coa manifestación do 17 de maio”.O Concello denega case todos os puntos solicitados por Queremos Galego baseándose en que “a manifestación coincide coa Ascensión”, excepto a petición do punto de luz preciso para a amplificación do son, na cal non utiliza a escusa das festas, senón que non ofrece ningún motivo. Porén, desde a plataforma sinalan que “parece unha burla querer denegar esa licenza baseándose na Ascensión, xa que non é a primeira nin será a última vez que o día 17 de maio coincide con eses festexos”. O presidente da Mesa di ironicamente que “a culpa é de Rosalía de Castro por asinar a dedicatoria do primeiro libro contemporáneo en galego nun 17 de maio”.O Concello coloca todos os obstáculos que pode para esta manifestación, “dentro do seu ámbito de competencias”, mais non pode prohibir o acto, xa que este foi solicitado “en tempo e forma” na Delegación do Goberno. “O que nos deixa estupefactos é que todas estas xestións, que todos os anos son de trámite, se queiran converter agora en impedimento para exercer o noso dereito democrático a manifestarnos”, sinala o presidente da Mesa e portavoz de Queremos Galego.

Continúan os peches contra os recortes: o 18 en Verín e o 21 de Maio en Vigo

DiegoBS — Mon, 14 May 2012 22:27:22 +0200

O calendario de peches da Plataforma Galega en Defensa do Ensino Público ata o 3 de Xuño, data na que está convocada unha manifestación en defensa dos servizos públicos, é o que segue: Verín (18 de Maio), Vigo (21 de Maio), A Coruña (22 de Maio), Pontevedra (23 de Maio), Lugo (24 de Maio), Burela (25 de Maio), O Morrazo (29 de Maio), A Guarda (30 de Maio), Carballo (31 de Maio), Ourense (1 de Xuño).

A Plataforma Galega en Defensa do Ensino Público rexeita os recortes propostos, denuncia que con eles se ataca gravemente o ensino público, a súa calidade e o dereito de igualdade de oportunidades do alumnado, que aumentará o fracaso escolar e despedirá máis de 2000 profesores/as. Por todo isto, esixe que o Goberno galego actúe como tal e non se someta a decisións que van en contra do ensino galego, que se negue, rotunda e publicamente, a aplicar calquera das medidas contidas no RD Lei 14/2012 e que presente recurso por invasión de competencias. A Plataforma esta integrada por diferentes entidades (organizacións sindicais, ANPAS, movementos de renovación pedagóxica , organzacións estudiantis, partidos políticos...) e permanece aberta e a novas adhesións individuais e colectivas.

Posicionamento da CIG-Ensino ante o anuncio de folga no ensino a través dos medios de comunicación desde Madrid

DiegoBS — Mon, 14 May 2012 13:21:12 +0200

De acordo con isto, a CIG, como confederación, púxose en contacto coas outras centrais sindicais que responderon que, aínda coincidindo con nós en que hai razóns máis que suficientes para ir a outra folga xeral, non estaban en disposición de convocala. A CIG mantén a proposta, pendente de efectivizala se hai acordo sindical para a súa convocatoria.

Agora, as organizacións sindicais españolas deciden en Madrid propoñer a realización dunha folga no ensino a nivel de Estado, para o día 22. Esta proposta formúlana sen considerar as dinámicas e as mobilizacións das plataformas e as organizacións das distintas nacións do Estado e sen ter en conta que as competencias no ámbito educativo se exercen en cada un dos territorios. Toda a información que a CIG-Ensino tivo disto foi a través dos medios de comunicación.

Desde a CIG-Ensino, entendemos que hai que focalizar aquí a loita, enfrontando directamente os responsábeis directos da aplicación dos recortes en Galiza, a Consellaría e o Goberno galego, xa que son os que teñen as competencias plenas para non aplicar o Decreto Lei e para recorrelo por invasión de competencias.

Non deixa de ser preocupante que organizacións estatais que veñen de convocar agora folga a nivel de Estado rexeiten participar na Plataforma Galega en Defensa do Ensino Público, antepoñendo o seu centralismo a calquera acción que non veña proposta desde Madrid. Non só se está a convocar unha folga sen ter en consideración a organización maioritaria en Galiza, a CIG-Ensino, senón que mesmo se pecha o día e se convoca a través dos medios de comunicación, sen ter en conta, nin sequera, a realidade de Galiza.

Esta forma de actuar é unha irresponsabilidade e indica que se dubida da capacidade que temos como galegas e galegos de decidir ou de participar nas decisións das cuestións que nos incumben, desprezando as organizacións das que nos fomos dotando.

Unha convocatoria de folga esixe un traballo previo, un traballo de información, acudindo aos centros de traballo para informar, e ter en conta os propios convocados, é dicir, o profesorado. Isto sería irrealizábel de cara ao 22 de maio, con apenas seis días lectivos de por medio (cómpre termos en conta o festivo do 17 e que o 18 é non lectivo en moitos centros) .

Como información, para a convocatoria da folga xeral, a CIG-Ensino fixo máis de 1500 asembleas no ensino público. Se realmente se chegase á conclusión de que era necesario realizar unha folga só no ensino, habería que considerar outra data, nunca anterior ao 30 ou 31 de maio. Entendemos que, na tesitura actual, cómpre considerar todos os sectores afectados á hora de ir a unha folga, como mínimo ensino e sanidade, pero tamén ao conxunto dos traballadores e traballadoras, de aí que consideremos o máis acaído preparármonos para unha folga xeral.

Desde a CIG, reafirmámonos en que a mellor maneira de loitar contra os recortes no ámbito educativo é emprazar a Consellaría a que non aplique o Real Decreto Lei 14/2012 e continuar coas mobilizacións convocadas pola Plataforma Galega en Defensa do Ensino Público: peches rotativos por todo o país, desde o 14 de maio, resolucións dos claustros e dos consellos escolares dos centros e manifestación nacional, o día 3 de xuño, confluíndo coa manifestación da Plataforma en defensa da sanidade pública.

A vontade da CIG-Ensino é seguir coas mobilizacións e ir acumulando forzas de cara a prepararmos unha folga xeral, que vemos factíbel se hai un acordo sindical para a convocatoria. Esta será a mellor maneira de combater a política educativa da Xunta, pioneira na aplicación de recortes e do ataque aos servizos públicos.

A CIG-Ensino volve facer un chamamento ás organizacións sindicais estatais para que se integren na Plataforma en pé de igualdade e, nese ámbito, fagamos chamamentos e convocatorias de cara ao futuro, tendo en conta, única e exclusivamente, que as decisións se tomen aquí e non veñan marcadas a nivel estatal. A CIG sempre defendeu e defenderá a unidade de acción, mais tamén sempre defendeu que as accións a desenvolver en Galiza se acorden aquí, porque para nós Galiza é o centro das decisións.

Resolución definitiva do CXT de secundaria

xela — Mon, 14 May 2012 11:14:20 +0200

Start: 14/05/2012 - 11:14

Publicada no DOG a resolución definitiva do concurso de traslados de secundaria, EOIs, música e artes escénicas, artes plásticas e deseño, PTFP, mestres de taller de artes plásticas e deseño e inspectores.

Lectorados de galego

xela — Mon, 14 May 2012 11:08:55 +0200

Start: 14/05/2012 - 11:00

Orde coa convocatoria de lectorados de lingua, literatura e cultura galegas en universidades españolas e estranxeiras.

Bolsas no Centro Ramón Piñeiro.

xela — Mon, 14 May 2012 11:05:24 +0200

Start: 14/05/2012 - 11:00

Resolución coa adxudicación de oito bolsas de formación en proxectos de investigación no Centro Ramón Piñeiro para a Investigación en Humanidades.

Estadías no estranxeiro

xela — Mon, 14 May 2012 11:00:57 +0200

Start: 14/05/2012 - 11:00

Convocadas axudas a estudantes universitarios para estadías nalgún Estado membro da Unión Europea, durante o verán de 2012, co obxecto de coñecer a lingua dese país.

Formación en centros de traballo

xela — Mon, 14 May 2012 10:56:56 +0200

Start: 14/05/2012 - 10:56

Orde coas axudas económicas para o alumnado que realiza formación práctica en centros de traballo.

Fundamentos de composición e tuba

xela — Mon, 14 May 2012 10:48:29 +0200

Start: 14/05/2012 - 10:48

Puntuacións definitivas do baremo do corpo de profesores de música e artes escénicas, especialidades de fundamentos de composición e tuba.

A Plataforma Galega en Defensa do Ensino Público inicia o luns 14 en Santiago os peches rotativos en contra dos recortes no ensino público

DiegoBS — Fri, 11 May 2012 14:11:52 +0200

Para a Plataforma Galega en Defensa do Ensino Público, os recortes propostos, de levárense a cabo, suporán:

Incrementar as ratios a 30 alumnos/as en Infantil e Primaria, 36 en Secundaria e 42 en Bacharelato. Esta medida provocará a masificación das aulas, impedirá unha atención personalizado do alumnado e atender as necesidades educativas específicas, e suporá menor calidade do ensino e maior fracaso escolar.

Impor unha xornada lectiva semanal mínima para o profesorado de 25 horas en Primaria e 20 en Secundaria. Isto traducirase, entre outras consecuencias, en que o profesorado terá que impartir materias das que non é especialista, completar horario noutros centros, incrementando as itinerancias, e dificultará a realización doutras funcións necesarias para o funcionamento do centro e para a mellora da calidade do ensino.

Non substituír o profesorado de baixa. Será un prexuízo para o centro e para o alumnado que as baixas non se cubran até que pasen catorce días (dez días lectivos). Os centros verán alterado o seu plan de traballo cada vez que se produza unha baixa e o alumnado terá que ser atendido por profesorado de diferentes especialidades á do substituído/a, conculcando o dereito á educación do propio alumnado.

Eliminar o requisito de ofertar dúas modalidades de bacharelato. Isto ten graves consecuencias na formación do alumando que deberá desprazarse cando non conte na súa localidade coa modalidade de bacharelato que quere cursar. Esta medida afasta os servizos dos ámbitos non urbanos, detraendo aínda máis poboación ao rural, e reduce o acceso ao ensino superior, pois non todo o alumnado estará en condicións de custearse os desprazamentos, o que incrementará o abandono escolar e dificultará que cursen os estudos desexados.

Adiar a implantación de ciclos de formación profesional. O atraso da posta en marcha destes ciclos prexudica gravemente as persoas que, precisamente nun momento de crise económica, buscan unha mellor e máis actualizada formación, entre elas moitas persoas paradas.

Incrementar as taxas universitarias.Trátase dunha suba desorbitada, que pode superar o 50% e que se fixará en función do custo das titulacións. Isto achegará o prezo das matrículas ao que hai nas universidades privadas e impedirá que as universidades públicas continúen a cumprir o papel de inclusión e igualdade social.

A Plataforma Galega en Defensa do Ensino Público rexeita estes recortes, denuncia que con eles se ataca gravemente o ensino público e a súa calidade, así como o dereito de igualdade de oportunidades do alumnado, que aumentará o fracaso escolar e despedirá máis de 2000 profesores/as. Por todo isto, esixe que o Goberno galego actúe como tal e non se someta a decisións que van en contra do ensino galego, que se negue, rotunda e publicamente, a aplicar calquera das medidas contidas no RD Lei 14/2012 e que presente recurso por invasión de competencias.

A CIG-Ensino participou nas manifestacións estudantís contra a subas das taxas e os recortes no ensino público

DiegoBS — Thu, 10 May 2012 17:43:57 +0200

“Preténdese arrasar coa función social e de cohesión do sistema educativo público”, denunciou o Secretario Nacional da CIG-Ensino, Anxo Louzao, que participou na lectura do manifesto ao remate da mobilización de Santiago. Para a CIG-Ensino, estamos ante recortes que supoñen un retroceso nos servizos públicos -que son a esencia de calquera sociedade democrática- e que repercutirán decisivamente no deterioro do ensino público, nun maior fracaso escolar, na perda de calidade e a supresión de máis de 2.000 profesores e profesoras.

“O Conselleiro de Educación e o Presidente da Xunta teñen que cesar na mercantilización do ensino. Os recortes que pretenden aplicar suporán a exclusión das clases traballadores/as do ensino universitario”, engadiu Anxo Louzao que lembra que a suba das taxas universitarias poderá superar o 50%. Diante desta situación, a CIG-Ensino fai un chamamento a seguir participando nas accións promovidas pola Plataforma Galega en Defensa do Ensino Público, que ten previsto iniciar o próximo luns 14 peches rotativos nos centros de ensino.

Acreditación de competencias

xela — Thu, 10 May 2012 10:59:27 +0200

Start: 10/05/2012 - 10:59

Listaxes definitivas de admitidos e excluídos do proceso de acreditación de competencias profesionais adquiridas a través da experiencia laboral na convocatoria do ano 2012.

Centros residenciais docentes

xela — Thu, 10 May 2012 09:58:45 +0200

Start: 10/05/2012 - 00:58

Convocadas prazas de residencia nos centros residenciais docentes da Coruña, Ourense e Vigo para cursar estudos de ensinanzas postobrigatorias non universitarias.

Mobilizacións e folga de estudantes o 10 de maio en contra dos recortes

DiegoBS — Wed, 09 May 2012 14:09:57 +0200

A suba de taxas proposta pode chegar até o 66% o que, na práctica, pode supor un encarecemento das matrículas superior aos 540€, a maior suba de taxas da historia. Para a CIG-Ensino estamos ante unha agresión sen precedentes ao ensino público e á sociedade galega, xa que a medida deixará fóra do acceso ao ensino universitario ás clases máis desfavorecidas, conculcando o dereito á igualdade de oportunidades na educación.

Durante o día 10, o estudantado ten previsto realizar mobilizacións nas 7 cidades galegas, así como en Vilagarcía, Burela e Verín. De seguido relacionamos os lugares aos que acudir:

Santiago de Compostela, na praza do Toral ás 12:00h

A Coruña, na praza da Palloza ás 12:00h

Ferrol, na praza 10 de marzo ás 12:00h

Lugo, na praza do Seminario ás 12:00h

Ourense, na rúa Concello (diante da Delegación Consellaría Educación) ás12:00h

Pontevedra, na Subdelegación do Goberno ás 12:00h

Vigo, na praza de América ás 12:00h

Burela, na praza da Capitanía ás 12:00h

Verín, na praza do Concello ás 12:00h

Vilagarcía, na praza de Galiza ás 12:00h

Selectividade

xela — Wed, 09 May 2012 10:08:16 +0200

Start: 09/05/2012 - 10:00

Orde que estabelece os parámetros de ponderación das materias da fase específica da proba de acceso á universidade de bacharelato e FP.

A CIG-Ensino valora positivamente a participación nas concentracións da Plataforma Galega en Defensa do Ensino Público

DiegoBS — Tue, 08 May 2012 22:30:18 +0200

O Secretario Nacional da CIG-Ensino, Anxo Louzao, lembrou que estas mobilizacións teñen como obxectivo rexeitar a situación dramática que atravesa o ensino publico despois das medidas postas en marcha polo PP desde a Xunta de Galiza e as aprobadas polo Goberno central, que a Consellaría xa dixo que ía aplicar.

Louzao lamentou que a Consellaría de Educación en lugar de actuar como máxima autoridade educativa actúe de xeito cómplice e incluso presuma de ter sido pioneira en aplicar medidas lesivas para o ensino público.

Anxo Louzao insistiu hoxe en que a CIG-Ensino non está disposta a que se apliquen máis recortes e pediu a retirada do Real Decreto Lei 14/2012 porque invade competencias e nos sitúa nun estado preautonómico, suporá o despedimento de miles de profesores, aumentará o fracaso escolar, reducirá a calidade e expulsa do ensino aos que teñen menos recursos.

Fundamentos de composición e tuba

xela — Tue, 08 May 2012 13:21:21 +0200

Start: 08/05/2012 - 13:21

Publicadas as puntuacións definitivas e a relación de excluídos definitivos do baremo no corpo de profesores de música e artes escénicas, especialidades de fundamentos de composición e tuba.

A CIG-Ensino insta á Educación a que adopte medidas para que non se vulneren os dereitos do profesorado afectado pola modificación de vacantes no Concurso de Traslados

DiegoBS — Tue, 08 May 2012 12:40:12 +0200

Podes consultar o escrito enviado á Consellería de Educación na seguinte ligazón

Acreditación de competencias

xela — Tue, 08 May 2012 10:11:34 +0200

Start: 08/05/2012 - 10:11

Nomeamento de asesores que actuarán no proceso de acreditación de competencias.

Ensinanzas superiores de Arte Dramática

xela — Tue, 08 May 2012 10:09:21 +0200

Start: 08/05/2012 - 10:00

Resolución coas instrucións para o acceso e admisión do alumnado ás ensinanzas superiores de Arte Dramática para o curso 2012-2013.

Ensinanzas superiores de Música

xela — Tue, 08 May 2012 10:07:58 +0200

Start: 08/05/2012 - 10:00

Resolución coas instrucións de acceso e admisión do alumnado ás ensinanzas superiores de Música para o curso 2012-2013.