A CIG Ensino denuncia que a Consellaría de Educación aínda non realizou o pagamento da totalidade das axudas concedidas a centros públicos para a realización de proxectos de fomento do uso do galego, correspondentes ao curso 2010-2011, e esixe o inmediato pagamento.

A CIG Ensino denuncia que a Consellaría de Educación se reafirma na supresión progresiva da normalización lingüística nos centros educativos. A convocatoria de axudas a centros público para a realización de proxectos de fomento do uso do galego, promovidos polos equipos de dinamización lingüística e polo profesorado responsable do proxecto naqueles centros de ensino de menos de tres unidades, durante o curso escolar 2011-2012, sofre unha redución orzamentaria do 69% respecto da convocatoria dos cursos 2009-2010 e 2010-2011 e do 75% respecto do curso 2008-2009.

Consonte a redución orzamentaria a Consellaría reduce un 22% os cursos que ela programa de xeito directo, deixando 11 localidades sen garantía de oferta

É inaceptábel que, ao servizo da propaganda, dedique os seus esforzos a saír nos medios de comunicación difundindo unha imaxe falsa da verdadeira implicación do seu departamento e a Consellaría de Educación, á que pertence, con profesorado que día a día traballa pola normalización do noso idioma.

Podedes ler o escrito no que instamos a Consellaría de Educación a que se absteña de realizar ningún acto que implique asunción ou acatamento da recomendación que, con carácter non vinculante, fai o Valedor do Pobo, por ser contrario a dereito e atentatorio conta o noso idioma, particularmente naqueles aspectos que inciden no dereito fundamental de liberdade de cátedra anexo a esta nova

A CIG-Ensino denuncia publicamente que, neste momento, xa hai inspectores que están actuando como verdadeiros comisarios políticos do Partido Popular, como é o caso do exdelegado de educación da provincia de A Coruña, Sr. Rivas, que anda á caza do centros que teñen este libro como libro de texto.

A plataforma cidadá Queremos Galego presentou esta mañá en conferencia de imprensa diferentes accións reivindicativas nas que convida a participar o conxunto da sociedade para exixir o cesamento inmediato do Valedor do Pobo, Benigno López, e do conselleiro de Educación, Jesús Vázquez, pola censura do libro de texto escolar da materia de Coñecemento do Medio que sinala que o galego é a lingua propia de Galiza, reproducindo literalmente o artigo 5.1 do Estatuto de autonomía.

Nesta nova podes atopar todas as informacións, incluído un CIG Informa, sobre a actuación do Valedor do Pobo e o Conselleiro de Educación contra un libro que recolle un fragmento do Estatuto Galego

Facemos un chamamento ao profesorado e aos centros que usan este libro de texto a que o sigan empregando tal e como está pois é o seu dereito e están avalados pola lexislación vixente. Anexo á nova podedes ver o tema en cuestión para darvos conta do grave da situación pola que está a pasar a nosa lingua.

A CIG-ENSINO convida a participar na concentración que o xoves día 15, ás 11:30, diante do Parlamento, convoca a plataforma Queremos Galego para exixir a dimisión do Valedor do Pobo.

Despois das reiteradas denuncias da CIG-Ensino a Consellaría de Educación atendeu dúas das demandas realizadas sobre a convocatoria de premios á innovación en dinamización lingüística: que se publicasen no DOG e que se publicasen no inicio do curso escolar.

Compostela acolleu este martes a presentación de “Sermos Galiza”, un proxecto colectivo que ten como obxectivo a creación dun grupo de comunicación libre, crítico e galego, que teña na Galiza o seu foco de atención e se exprese na nosa lingua. A Executiva Confederal da CIG xa acordou apoialo, pero a súa viabilidade depende, en última instancia, do respaldo –non só moral, senón tamén económico- de todas as persoas que defendan o dereito dos galegos e galegas a ser e existir como pobo e como nación e a estaren informadas/os para poder debater ideas en liberdade.

A eliminación destas axudas, significa, por un lado, imposibilitar a existencia dos necesarios materiais curriculares e complementarios para a docencia de diferentes materias no noso idioma e, por outro, restarlle carga de traballo ás empresas editoriais galegas.

Esta circunstancia pon de manifesto que as declaracións de austeridade son unha mera cortina de fume e que o goberno galego neste e noutros temas non ten reparo en gastar diñeiro público sempre que sirva aos seus intereses partidarios e para perseguir o noso idioma. No seu día, a CIG-Ensino xa denunciou as enormes cantidades destinadas a substituír os libros de texto de materias que se viñan impartindo en galego, mais que agora a Consellaría obriga a impartir en español. Pois ben, un ano máis, a Consellaría volve destinar unha cantidade moi significativa á substitución de libros perfectamente utilizábeis e que reúnen os requisitos necesarios para ser empregados nas aulas. Cómpre lembrar que en moitos centros os propios pais decidiron que os seus fillos e fillas continuasen cos libros en vigor, independentemente de que estivesen en galego, para evitar os dispendio potenciado pola Consellaría.

Queremos Galego! celebrou concentracións con lectura de textos de Castelao nas principais cidades e vilas galegas co fin de denunciar os ataques ao noso idioma no marco da celebración do día das letras galegas.

A Plataforma Cidadá Queremos Galego chama a toda a sociedade galega a seguirse mobilizando en defensa da nosa lingua e da nosa cultura propias este vindeiro 17 de maio, Día das Letras Galegas, desta volta mediante a metodoloxía da "mobilización expansiva": concentracións simultáneas no maior número posíbel de localidades galegas, e tamén no exterior.

Presentouse en Santiago a edición 2011 do Correlingua, unha actividade que se celebra de xeito regular desde o curso 2000-2001, consistente en diferentes carreiras que se celebran en 14 vilas de Galiza, e na que se prevé unha participación de 45.000 rapaces e rapazas procedentes de 400 centros educativos de todo o País.

O 2 de maio comezou en Santiago a edición 2011 do Correlingua, unha actividade que se celebra de xeito regular desde o curso 2000-2001, consistente en diferentes carreiras que se celebran en 15 vilas de Galiza, e na que se prevé unha participación de 45.000 rapaces e rapazas procedentes de 400 centros educativos de todo o País.

A Consellaría trasladou hoxe na Mesa Sectorial que converten en permanente a orde de Centros Plurilingües, sen que transcorrese nin sequera un ano desde a posta en marcha experimental

Este sábado ás 19.30 h, na sala Capitol de Santiago de Compostela, a plataforma Queremos Galego organiza un acto nacional en defensa da nosa lingua.

A CIG-ENSINO denuncia que Galicia Bilingüe e dona Begoña Folgar están manipulando a realidade e intoxicando respecto do ensino da área de coñecemento do medio, que se imparte tal e como fixa a lexislación vixente en galego, nunha aula de primeiro de Educación Primaria do CEIP “María Pita” da Coruña.

Previamente, o 30 de abril terá lugar un grande acto nacional en Compostela para reivindicar “a forza da lingua” a través da palabra e da música. Queremos Galego impulsará un calendario de mobilizacións cando se fan dous anos de goberno de Alberto Núñez Feijóo na presidencia da Xunta. Así o vén de anunciar esta mañá a plataforma cidadá, coordinada pola Mesa pola Normalización Lingüística e formada por máis de 700 entidades de diferentes ámbitos sociais, nunha conferencia de imprensa celebrada en Santiago de Compostela.

A día de hoxe, mediado o mes de marzo e cando está a piques de finalizar o segundo trimestre, a Secretaría Xeral de Política Lingüística aínda non lle ingresou aos centros o anticipo fixado na orde de convocatoria para o desenvolvemento dos proxectos de normalización aprobados para este ano nos centros educativos.

A CIG-Ensino denuncia que a Xefatura Territorial de Educación de Pontevedra enviou ao colexio de Randufe en Tui material só en español para a nova aula de infantil. O Xefe Territorial xustificou o envío do devandito material, unha ducia de libros e varios xogos para adquisición da lectoescritura, botando man dos resultados da enquisa realizada aos pais e nais sobre a lingua materna dos nenos e das nenas.

A Plataforma Cidadá Queremos Galego - da que é membro á CIG- chama ao conxunto da sociedade a continuar “coa loita cívica polo dereito a poder vivir en galego na nosa propia terra” logo de que o pleno do Parlamento de Galiza rexeitase este mediodía, cos votos en contra do Partido Popular, a toma en consideración da Proposición de Lei sobre o uso do galego polas Administracións de Galiza e no ámbito do ensino impulsada ao longo dos últimos meses pola plataforma mediante o procedemento de iniciativa lexislativa popular (ILP).

A CIG-Ensino denuncia que a Consellaría de Educación exerce a censura na Revista Galega de Ensino, editada pola Consellaría, recortando varios parágrafos dun artigo dun profesor, no que reflexiona sobre a situación da nosa lingua.

A CIG-Ensino denunciou esta semana que a Consellaría estaba a empregar a aplicación do proxecto Abalar tamén para reducir a presenza do noso idioma nas aulas. Chegabamos a esta conclusión despois de analizar a lingua dos materiais postos a disposición do profesorado.

A CIG-Ensino vai reclamar por escrito á Consellaría de Educación que actúen contra as persoas que están acosando sistematicamente os equipos de normalización lingüística e os seus coordinadores e coordinadoras. A CIG-Ensino esíxelle á Consellaría de Educación que inste a Gloria Lago a retirar da web de Galicia Bilingüe o informe en que se persegue aos equipos de normalización e aos seus coordinadores, nomeadamente á CGENDL e tres dos seus representantes. A CIG-Ensino entende que nese informe se utilizan de xeito fraudulento imaxes de actividades escolares en que aparecen menores e deplora que o Valedor do pobo, máis atento a atacar o noso idioma que a representar dignamente a institución da que é responsábel, non teña tomado medidas ante a documentación recibida.

A CIG-Ensino esixe publicamente unha rectificación da Secretaría Xeral e dos Gabinetes de Normalización, para que, como en anos anteriores, sigan aboando os libros en galego.