Foto mesa abandono ooss
9/6/2014 Diante da negativa da Consellaría a aceptar a nosa proposta sindical vímonos novamente obrigados a non participar na reunión
Os representantes das organización sindicais do ensino con representación na Mesa Sectorial Docente Non Universitaria anunciaron esta tarde en rolda de prensa a súa decisión de non participar na reunión convocada para hoxe pola Consellaría de Educación, coa mesma orde do día que provocou o abandono da Mesa Sectorial o pasado 5 de xuño.
 
6/6/2014 Enviado despois de recibir unha nova convocatoria da Mesa coa mesma orde do día que provocou o abandono da mesma por parte das organizacións sindicais
Consulta no interior da nova o contido do escrito remitido polas organizacións sindicais con representación na Mesa sectorial Docente non Universitaria ao seu presidente con motivo dunha nova convocatoria para o luns 9 de xuño, coa mesma orde do día que provocou o abandono deste órgano por parte da CIG-Ensino e o resto dos sindicatos.
logo mesa sectorial
5/6/2014 O detonante foi o desprezo de Educación ao profesorado e aos seus representantes, ao vulnerar de facto as canles preceptivas da negociación
As organización sindicais esixiron da Consellaría de Educación que se convocase unha nova Mesa en que, con tempo suficiente, se tratasen os currículos de primaria e FP Básica e que, unha vez realizada a Mesa, o texto resultante se remitise para o seu tratamento ao Consello Escolar de Galiza, que ditaminaría sobre o texto. Mais a Consellaría, como xa fixo no seu día co Decreto de comedores escolares, convoca a Mesa Sectorial para cumprir cos trámites preceptivos, sen a vontade real de recoller ningunha das propostas das organizacións sindicais.
20140605 GalizaContraLOMCE
5/6/2014 A Plataforma Galega en Defensa do Ensino Público realizou unha nova xornada de actos reivindicativos por todo o País
Música, teatro, maxia e intervencións artísticas do máis variado déronse cita esta tarde nas sete cidades, Carballo e Cee nos actos convocados pola Plataforma Galega en Defensa do Ensino Público en rexeitamento á LOMCE e ao conxunto de recortes aplicados polos gobernos do PP. Estes actos lúdico-reivindicativos, e de marcado ton paródico, dan continuidade ás mobilizacións que a Plataforma vén realizando en contra dunha lei “profundamente lesiva para o ensino público galego” e que, segundo as previsións, comezará a implantarse a partir do curso 2014-2015
Logo oposicions 2014
4/6/2014 Publicada tamén a lista definitiva de admitidos/as e a distribución por tribunais
A Consellaría de Educación publicou na súa web este mércores 4 de xuño as datas, horas e lugares da presentación e da primeira proba das oposicións, lista definitiva de admitidos/as e excluídos/as e distribución dos aspirantes por tribunais.
logo mesa sectorial
3/6/2014 Trataranse o decreto de FP Básica, o currículo de Primaria, o calendario para o próximo curso e as ordes de adxudicación de destinos provisionais
A Consellaría de Educación vén de convocar Mesa Sectorial para este xoves 5 de xuño na que se van tratar o proxecto de decreto polo que se establece o currículo da educación primaria, o borrador decreto polo que se regulan aspectos específicos da formación profesional básica, a orde polo que se aproba o calendario escolar, a convocatoria de adxudicación destino provisional vindeiro curso corpo de mestres, convocatoria de adxudicación destino provisional vindeiro curso catedráticos, secundaria, F.P.…. Podes acceder no anterior da nova a documentación.
 
2/6/2014 Serrán nas sete cidades, Carballo e Cee
A Plataforma Galega en Defensa do Ensino Público convoca para o 4 de xuño novos actos contra a LOMCE e os recortes nas sete cidades, Carballo e Cee. Os actos realizaranse á sete da tarde excepto en Ferrol que vai ser ás oito. Consulta no interior os lugares de realización e o programa e o MANIFESTO.
Acto no mupega
28/5/2014 O escritor e mestre Xabier Docampo compartiu a súa experiencia como alumno durante o franquismo nun acto realizado no Museo Pedagóxico de Galiza
A lembranza da realidade escolar durante o franquismo e a súa comparación co modelo educativo que pretende implantar o PP coa LOMCE foron os protagonistas dun acto simbólico organizado pola Plataforma Galega en Defensa do Ensino Público no Museo Pedagóxico de Galiza este mércores 28 de maio. Os e as asistentes tiveron a oportunidade de coñecer as experiencias como alumno durante a ditadura do mestre e escritor Xavier Docampo quen denunciou o “brutal” retroceso que supón a LOMCE.
Logo FP a distancia
26/5/2014 A Consellaría Educación copia e obriga a estudar contidos doutras Comunidades mentres priva o alumnado galego de coñecer a nosa realidade
A CIG-Ensino xa denunciara no final do primeiro trimestre deste curso que a Consellaría de Educación impedía o ensino en galego nos ciclos de FP a distancia. Pois ben, a Consellaría de Educación, no canto de corrixir a situación, mantén ciclos enteiros sen materiais en galego o que supón unha conculcación da Lei de Normalización Lingüística e do mesmo Decreto 79/2010 que recolle no artigo 9, en que se regula o uso do galego na FP, que se establecerá unha oferta equilibrada de materias e módulos en galego e castelán que garanta que o alumnado adquira competencias nas dúas linguas e engade que deberán coñecer, en todos os módulos, o vocabulario específico nas dúas linguas.
Cura
26/5/2014 A CIG-Ensino considera que estamos ante un caso de persecución ideolóxica e de impedimento da liberdade de cátedra
A CIG-Ensino vai reclamar a paralización do apercibimento a unha docente por negarse a participar nunha actividade de carácter confesional. O Xefe Territorial de Pontevedra, César Pérez Ares, ex-concelleiro e ex-presidente do PP de Tomiño, manifestou ao ser interpelado pola CIG, que esta profesora recibiu un apercibimento, porque segundo Educación a profesora está obrigada a participar nunha actividade de carácter confesional por ter sido esta incluída no Proxecto Xeral Anual do centro.
aula primaria
21/5/2014 Achéganos as túas suxestións
A Consellaría de Educación e Ordenación Universitaria acaba de remitirnos por correo electrónico o borrador do decreto do currículo de educación primaria LOMCE.
ILP Rolda de Prensa
21/5/2014 Responde á vontade de que se produza un cambio de rumbo fundamental para o ensino público galego despois dos recortes levados a cabo polo Partido Popular
A CIG-Ensino presentou este mércores 21 de maio no Parlamento Galego unha proposición de lei, por iniciativa lexislativa popular, de medidas para restituír os dereitos laborais, profesionais e retributivos do profesorado e mellorar a calidade do ensino en Galiza. A ILP foi rexistrada polos integrantes da Executiva da CIG-Ensino en representación da súa Comisión Promotora.
 
20/5/2014 Para o seu debate no Consello Escolar de Galiza
Accede no interior da nova aos borradores dos currículos de Formación Profesional Básica que a Consellaría de Educación.
logo mesa sectorial
15/5/2014 A Consellaría fixa como datas para o inicio do curso o 10 de setembro en infantil e primaria e o 15 en secundaria, bacharelato e FP
Accede no interior da nova á documentación para a próxima Mesa Sectorial
Calendario
 
15/5/2014 Para a súa negociación nunha futura mesa sectorial
Borrador da Orde do XXXX de XXXXX de 2014 pola que se aproba o calendario escolar para o curso 2014/2015, nos centros docentes sostidos con fondos públicos na Comunidade Autónoma de Galicia.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
14/5/2014 Abril 2014

Nota: Este documento está en formato pdf. Para podelo visualizar precisas o lector Acrobat instalado no teu ordenador
Logo Xubilación
8/5/2014 O profesorado, até o 31 de decembro de 2014, ten a oportunidade de que se lle recoñeza ese tempo como cotizado para efectos de xubilación
O profesorado do corpo de mestres do plan de estudos do 67 realizaba un curso de prácticas remuneradas, necesario para obter o título de mestre. Agora, até o 31 de decembro de 2014, ten a oportunidade de que se lle recoñeza ese tempo como cotizado para efectos de xubilación. Hai profesorado que, malia reunir todos os requisitos, non pode conseguir a certificación das prácticas, debido a que o centro onde as realizou xa non existe ou non hai documentación daquela época. Por esta razón a CIG-Ensino vén de solicitarlle á Consellaría de Educación que arbitre algún mecanismo para certificarlle a este profesorado o período de prácticas. Do contrario, estaríao privando dun dereito que, nalgúns casos, supón un prexuízo importante na contía da pensión ou de xubilarse 9 meses antes. Accede in interior ao escrito presentado pola CIG-Ensino.
rolda de prensa plataforma 7 de maio
7/5/2014 Un acto o 28 de maio comparará a LOMCE co ensino no franquismo e o 4 de xuño darase lectura a un manifesto nos centros e faranse actos reivindicativos pola tarde na rúa
A Plataforma Galega en Defensa do Ensino Público anunciou este mércores 7 de maio en rolda de prensa novas mobilizacións contra a LOMCE e os recortes no ensino público. A próxima protesta será o 28 de maio e consistirá nun acto no Museo Pedagóxico de Galiza, na aula que representa a escola do franquismo co obxectivo de amosar as semellanzas entre a educación na ditadura e o ensino que se pretende coa LOMCE. A Plataforma tamén convocará para o 4 de xuño actos reivindicativos nas sete cidades e diferentes vilas ás sete da tarde. Ese mesmo día, pola mañá, proporase aos centros que dean lectura a un manifesto que denunciará os recortes e que incluirá un chamamento a non aplicar a LOMCE naqueles aspectos máis nocivos para o ensino público.
Londres Big Ben
6/5/2014 A CIG-Ensino considera que é unha medida discriminatoria e contraria á igualdade de oportunidades que pretende potenciar os centros concertados
A CIG-Ensino vai presentar esta mesma semana recurso ante o Tribunal Superior de Xustiza de Galicia, TSXG, en contra da circular 1/2014 da Consellaría de Educación, mediante a que Educación pretende regular as probas homologadas para a obtención do título de competencia lingüística nos niveis A2 e B1, para o alumnado de 4º da ESO dos centros plurilingües en exclusiva.
Educación Rural en Galiza
 
5/5/2014 Mesa Galega de Educación no Rural
Publicación da Mesa Galega de Educación no Rural
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
2/5/2014 A CIG-Ensino exixiu que antes de calquera negociación do futuro estatuto docente é imprescindíbel que se retiren todas as medidas de recortes
Na reunión mantida este martes 29 de abril entre a organizacións sindicais e o Ministerio de Educación, a CIG-Ensino exixiu que antes de calquera negociación do futuro estatuto docente é imprescindíbel que se retiren todas as medidas de recortes aplicados no ámbito educativo e que se restitúan todos os dereitos laborais, profesionais e salariais. O Ministerio excúlpase da aplicación dos recortes, atribuíndollos a instancias superiores.
Manifestacion 1º de maio en Vigo
2/5/2014 O secretario xeral da CIG, que estivo na marcha de Vigo, incidiu na necesidade de conquistar un novo modelo económico e social xusto e solidario
Milleiros e milleiros de persoas botáronse ás rúas de Galiza convocadas pola CIG para conmemorar un ano máis o 1º de Maio, Día Internacional da Clase Traballadora, e rexeitar as políticas da Unión Europea que só xeran explotación e pobreza. O secretario xeral da central nacionalista, Xesús Seixo, que participou en Vigo na manifestación máis concorrida do país, incidiu na necesidade de conquistar un novo modelo económico e social xusto e solidario.
opositores oposicions
28/4/2014 Para a CIG-Ensino a administración educativa debe garantir a formación dixital unha vez superado o proceso selectivo
Este martes, 29 de abril, está prevista unha reunión do Ministerio de Educación coas organizacións sindicais, co obxecto de tratar a proposta presentada para o acceso á función pública do profesorado. O Ministerio na súa convocatoria cítanos para supostamente tratar o borrador do Estatuto Docente sen achegar ningunha proposta, limitándose exclusivamente a remitirnos un texto relacionado co acceso. A CIG-Ensino, entre outras propostas, rexeitará a pretensión do Ministerio de fixar a realización dunha proba en idioma estranxeiro e de exixir competencia dixital para acceder á función pública docente.
imaxe recoñecementos medicos
25/4/2014 A decisión da Xunta de non realizalas nos SERGAS incrementará o custe das revisións en 886.984 euros
O Valedor do Pobo vén admitir a trámite a queixa presentada pola CIG-Ensino na que se denuncia a decisión da Consellaría de Educación de externalizar as revisións médicas ao profesorado en lugar de ofertalo a través dos SERGAS, o que suporá segundo os datos da propia Administración, un incremento do custe nun 40% . O Valedor do Pobo requeriulle á Consellaría de Educación que no prazo de 15 días facilite información sobre o problema que motivou a queixa.
 
24/4/2014 A CIG-Ensino exixe unha investigación e informará á Axencia Española de Protección de Datos e á Delegación Territorial da Inspección de Traballo e Seguridade Social, reservándose as accións legais que en dereito procedan
Ás 18:16 horas do día 22 de abril de 2014, o persoal funcionario non universitario recibiu nas súas contas de correo electrónico corporativo “edu.xunta.es” un envío masivo dun sindicato sen previo coñecemento ou consentimento das persoas titulares das contas. Para acceder a elas, ese sindicato tivo que contar necesariamente coa colaboración da Administración, responsábel do tratamento das bases de datos informatizadas que conteñen datos de carácter persoal relativos ao nome e aos apelidos do seu titular e tamén os concernentes á administración para a que prestan servizos.
Área Publica rolda abril 2014
9/4/2014 A Área pública da CIG, conxuntamente con CCOO e UGT plantan a xuntanza convocada pola administración para falar do Código “Patético”
A CIG, CCOO e UGT, con representación na Mesa Xeral da Función Pública de Galiza compareceron esta mañá en rolda de prensa para manifestar o seu rotundo rexeitamento ao Código Ético presentado polo Presidente da Xunta, Alberto Núñez Feijóo. Denuncian que o PP pretende desviar a atención dos casos de corrupción no que están implicados cargos públicos do seu partido e provocar confusión respecto das súas responsabilidades coas do persoal das administracións públicas.
Entrega escrito PGDEP 1 abril 2014
3/4/2014 A PGDEP tamén lle amosa a súa preocupación pola repercusión que vai ter a nova Lei de reforma das administracións locais na oferta de actividades extraescolares por parte dos Concellos
A Plataforma Galega en Defensa do Ensino Público remitiulle este xoves 3 de abril unha carta ao conselleiro de Educación para expresarlle a súa preocupación pola implantación da LOMCE en Galiza e as repercusións negativas que pode ter na calidade do ensino no noso país e na formación do noso alumnado. A Plataforma reclámalle que non se impoña, unha vez máis, a improvisación e que non se aplique a LOMCE para o curso 2014-2015.
Xesus Bermello en Lisboa
31/3/2014 A CIG-Ensino interviu, como única organización internacional convidada, cunha exposición de como funciona a educación primaria no noso país
A CIG-Ensino vén de participar os días 28 e 29 de marzo en Lisboa, na Conferencia Nacional da FENPROF, principal organización sindical do profesorado portugués, para dar a coñecer a realidade do ensino primario en Galiza e debater sobre equipos docentes, especialmente sobre a especialización nos primeiros cursos de Primaria.
Logo oposicions 2014
26/3/2014 O prazo de presentación é de vinte días naturais contados a partir do día seguinte ao de publicación
Este mércores 26 de marzo sae publicada no DOG a orde pola que se convocan procedementos selectivos de ingreso e acceso ao corpo de profesores de ensino secundario e procedemento de adquisición de novas especialidades. O prazo para presentar as solicitudes é de vinte días naturais contados a partir do día seguinte ao da publicación no DOG. No interior da nova tes acceso á orde e a información relacionada co proceso seletivo.
Entrega de escrito no Parlamento revisións médicas
21/3/2014 A CIG-Ensino denuncia que a falta de entendemento entre a Consellaría de Educación e a Consellaría de Sanidade implicará o malgasto de máis de 800.000 euros segundo dixo Educación no TSXG
A CIG-Ensino presentou un escrito dirixido ao Valedor do Pobo no que solicita que investigue cales foron as razóns polas que non foi posíbel o entendemento entre as Consellarías de Educación e Sanidade para ofrecer os recoñecementos médicos ao profesorado. A CIG-Ensino denuncia que, segundo as contas da Consellaría de Educación, van pagar 2.217.461 euros a unha entidade privada, cando no SERGAS se podería realizar por 1.330.471. O obxecto da queixa da CIG-Ensino é evitar o mal uso do diñeiro público de todos os galegos e galegas.