A Consellaría de Educación ten previsto publicar o 14 de marzo a través da súa web a resolución provisional do Concurso Xeral de Traslados. No interior desta nova podes consultar o listado de vacantes provisionais e toda a información relacionada co Concurso Xeral de Traslados.

Miles de persoas percorreron este domingo Compostela para denunciar a corrupción e a destrución social e cultural que sofre Galiza e baixo o lema “Polo dereito ao traballo, á igualdade, aos servizos públicos e á plena soberanía nacional galega. Por un proceso constituínte e de ruptura democrática”. A manifestación, que rematou nunha ateigada Praza de Praterías, foi convocada por organizacións políticas, sindicais e estudiantís, nomeadamente polo BNG, o CCPI, a CIG, COG, FRUGA, MPB, Nós-UP, AGIR, AMI, BRIGA, os Comités, Galiza Nova, ISCA! e a Liga Estudantil Galega.

No interior da nova podes consultar o desenvolvemento da xuntanza e a posición que a CIG-Ensino mantivo nos diferentes asuntos tratados.

Devolución retención clases pasivas, vacantes C.X.T., IES Milladoiro, Consellos Sociais C.I.F.P., F.P. Dual, oposicións, etc.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Na Mesa Sectorial de hoxe día 28 de febreiro tratouse a proposta de Orde para regular as actividades de formación do profesorado. A Administración presentou unha proposta claramente antidemocrática que eliminaba a comisión de homologación de actividades onde están presentes as organizacións sindicais en representación do profesorado, e onde temos o cometido de revisar e comprobar que actividades de formación se convocan e realizan e se esas actividades poden e deben ser homologadas. Ante esta proposta a CIG-Ensino esixiu que se retirase a orde e que se trouxese novamente á Mesa modificada recollendo que as organizacións sindicais terán coñecemento dos convenios que se asinan e do seu desenvolvemento, comprobando que se cumpren os acordos asinados e que, por tanto, a avaliación pode ser positiva.

Este domingo 3 de marzo está convocada en Santiago unha manifestación nacional co lema "Polo dereito ao traballo, á igualdade, aos servizos públicos e á plena soberanía nacional galega. Por un proceso constituínte e de ruptura democrática". A saída será ás doce da mañá da Alameda. No interior da nova podes acceder ao manifesto das organización convocantes, entre as que está a CIG:
Nota: Este documento está en formato pdf. Para podelo visualizar precisas o lector Acrobat instalado no teu ordenador

Nesta nova podes consultar a proposta de criterios para o reparto do Fondo de Acción Social que nos remitiu a Dirección Xeral de Función Pública
Nota: Este documento está en formato pdf. Para podelo visualizar precisas o lector Acrobat instalado no teu ordenador

Os recortes orzamentarios decretados polo goberno do PP, e que foron definitivamente aprobados na sesión plenaria deste martes, abocarán á privatización de servizos públicos, rebaixarán as condicións laborais e salariais do seu persoal e deteriorarán a atención que reciben as usuarias e usuarios. Así o denuncia a Área Pública da CIG e así o denunciaron tamén, ante un Parlamento literalmente tomado por efectivos antidisturbios, centos de empregadas e empregados públicos que participaron na concentración convocada pola Plataforma Galega en Defensa dos Servizos Públicos.

Coincidindo co debate dos orzamentos para o ano 2013, as organizacións sindicais do ámbito das administracións públicas, que constitúen a Plataforma Galega en Defensa dos Servizos Públicos, convocan un concentración diante do Parlamento para este martes 28 de febreiro en defensa dos servizos públicos e dos nosos dereitos laborais e salariais.

A CIG-Ensino ten que denunciar que a estas alturas a Consellaría de Educación segue sen publicar a normativa que desenvolve o novo decreto de admisión de alumnado e sen dar a coñecer ás familias e ás direccións dos centros as datas e os prazos previstos para facer a reserva de praza, a solicitude de admisión e matriculación, coa incerteza e inseguridade que isto supón.

Na tarde deste xoves, as prazas das cidades galegas volvéronse encher de consignas en contra do proxecto de orzamentos da Xunta para 2013. Uns orzamentos que, denuncian dende a Área Pública da CIG, poñen en perigo a continuidade e a calidade dos servizos públicos, promoven a supresión de prazas e o despedimento de persoal, e deterioran aínda máis as condicións laborais e económicas dos traballadores e traballadoras das administracións.

A CIG-Ensino quere denunciar a negativa da Consellaría de Educación a incluír na orde do día do Consello Escolar de Galiza deste xoves 21 de febreiro que este organismo elabore un informe sobre a Lei Orgánica de Mellora da Calidade Educativa, desatendendo así a petición realizada por diferentes organizacións

No interior da nova podes consultar a orde do día da xuntanza.

A Plataforma Galega en defensa dos Servizos Públicos ten convocadas mobilizacións para o xoves, día 21 de febreiro, ás 19:00 horas nas cidades galegas (agás en Pontevedra que será ás oito) para manifestar o seu rexeitamento a uns orzamentos que poñen en perigo os servizos públicos, promoven a supresión e despedimento de persoal e deterioran as súas condicións laborais e económicas. Podes consultar no interior da nova os lugares das concentracións.

A CIG-Ensino entregou este luns 18 de febreiro, no Rexistro da Xunta de Galiza, en Santiago, 10.172 sinaturas de docentes recollidas nos centros de ensino e dirixidas ao conselleiro de Educación, nas que o profesorado fai constar o seu rexeitamento máis absoluto ao anteproxecto da LOMCE por tratarse dunha lei mercantilista e reaccionaria, recentralizadora e españolizadora, elitista e clasista, agresiva co profesorado, antidemocrática, reforzadora da confesionalidade e contraria ao ensino laico.

A Xunta de Galiza publicou no DOG, sen pasar previamente pola Mesa Sectorial e sen comunicarllo ao profesorado, un convenio con Coremain polo que nesta empresa se porá en marcha o programa piloto para o alumnado facer as prácticas correspondentes á FP Dual. Representantes da CIG denunciaron esta mañá, en rolda de prensa, a escolla desta empresa que ten unha política en materia de relacións laborais máis que cuestionabel e alertaron da posibilidade de que Coremain aproveite este convenio para substituír a traballadores/as por man de obra case gratuíta.

Tratáronse os seguintes temas: listas de agarda, administración de medicamentos, uniformidade/roupa de traballo, revisións médicas, mobilidade no persoal, petición da retirada da circular de comedores das escolas e vacacións do persoal.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Un ano máis, a CIG-Ensino apoia a iniciativa da Asociación de Escritoras e Escritores en Lingua galega (AELG) a prol da celebración do Día de Rosalía e súmase á proposta de celebrar a data agasallando un libro en galego e unha flor. Para a CIG-Ensino, é necesario darlle a esta data a relevancia que merece, pois sen Rosalía Castro talvez non teriamos hoxe a conciencia colectiva de termos un idioma propio e os azos de seguir reclamando para este o lugar que lle corresponde. Ela non foi a única que ergueu a bandeira da defensa do idioma, mais foi a primeira a pór un chanzo fundamental coa súa obra “Cantares Galegos”, o primeiro libro integramente escrito no noso idioma, do que este ano se celebra o 150 aniversario.

As organizacións estudantís convocantes da folga contra a LOMCE, entre as que se atopan a Liga Estudantil Galega e os Comités, califican a xornada de loita do 6-F como un completo éxito, atinxindo un notábel seguimento nos centros públicos de secundaria e bacharelato de todo o país. A CIG participou na convocatoria como integrante da Plataforma Galega en Defensa do Ensino Público, que apoiou a xornada de loita e participou activamente nas manifestacións que se desenvolveron nas diferentes cidades.

As organizacións sindicais CIG, CCOO, UGT e CSI-F compareceron este luns para anunciar o inicio de accións legais conxuntas para reclamar a paga extra do ano 2012. A Área Pública da CIG subliña que actuará en todos os ámbitos nos que teña capacidade legal e agarda que coas accións xudiciais que se poñen en marcha en Galiza, tanto para o persoal laboral como funcionario, os gobernos central e galego “tomen nota e rectifiquen canto antes repoñendo o dereito constitucional de todas as traballadoras e traballadores a recibiren a paga extra”.

A CIG, CCOO, UGT e CSIF, organizacións con presenza na Mesa Xeral de Empregados/as Públicos acordamos nunha reunión que tivemos o 21 de xaneiro de 2013, conxuntamente coas catro asesorías xurídicas, unificar as accións legais a desenvolver contra a supresión da paga extraordinaria.

“Elitista, españolizadora, privatizadora e antidemocrática” foron os adxectivos cos que a Plataforma Galega en Defensa do Ensino Público cualificou o anteproxecto de reforma da lei de educación que prepara o Goberno español, durante as multitudinarias mobilizacións celebradas na tarde deste xoves nas sete cidades galegas, O Barco, Lalín e Carballo. Dende a Plataforma, impulsada pola CIG-Ensino, esixiuse a retirada proxecto e a apertura dunha negociación na que se atendan as demandas de todos os sectores implicados e respecto ao carácter público, galego e laico do sistema educativo na Galiza.

A CIG-Ensino denuncia que a Consellaría de Educación lles adebeda aos centros públicos escolares aproximadamente preto de 4 millóns de euros en concepto de comedor escolar correspondente aos meses de outubro, novembro e decembro do ano 2012. Isto supón que os centros non poidan facer fronte o pagamento aos distintos provedores.

A Consellaría de Educación amosa unha vez máis a súa galegofobia ao iniciar os trámites formais ante o Tribunal Supremo para interpor recurso contra as sentenzas ditadas polo Tribunal Superior de Xustiza de Galiza, TSXG, sobre o Decreto de Plurilingüismo.

A CIG-Ensino fai un chamamento a participar nas concentracións convocadas pola Plataforma Galega en Defensa do Ensino Público en todas as comarcas o xoves, 31 de xaneiro, en contra da aprobación da nova Lei de Mellora da Calidade Executiva (LOMCE). Podes consultar os lugares nos que se van celebrar as concentracións na interior desta nova.

No interior da nova podes consultar o desenvolvemento da xuntanza.

Anxo Louzao, membro do Consello Escolar de Galiza, en representación da CIG, defendeu, hoxe, no Consello Escolar do Estado, un informe alternativo ao ditame deste organismo, solicitando a retirada da LOMCE. A CIG-Ensino, xunto con outras entidades e organizacións, rexeitou participar no debate das emendas parciais e, despois de defender un informe alternativo no que se explicaban as razóns desta solicitude, desistiu na medida en que todas as súas disposición son contrarias á defensa do ensino publico galego.

A oferta de emprego público presentada hoxe é raquítica e insuficiente e está pensada para seguir reducindo profesorado. Así o denunciou hoxe a CIG-Ensino na Mesa Sectorial na que tamén puxo de manifesto que a Consellaría de Educación vulnera os órganos de negociación ao anunciar a oferta pública de emprego, ao impor o seu criterio sen ter negociado previamente coas organizacións sindicais.

No interior da nova podes consultar a orde do día da xuntanza.

Toda a información sobre a LOMCE.