A concentración forma parte dunha serie de mobilizacións que terán a súa continuidade o próximo sábado 25 de abril cunha manifestación nacional en Compostela. A CIG agarda que antes desta mobilización o Xerente do Consorcio reciba ás representantes das traballadoras e traballadores para dar resposta á situación de inseguridade na que se atopan.

Nesta nova podes ver as imaxes das concentracións do venres 17 de febreiro. CONVENIO XA!!! Na defensa da estabilidade do posto de traballo, pola aplicación do V Convenio e contra a privatización do Consorcio

O Secretariado Confederal da CIG, reunido este venres, día 17 de febreiro, acordou fixar a data da convocatoria de folga xeral para o día 29 de marzo. Así o comunicou o secretario xeral, Suso Seixo, quen explicou que para tomar esta decisión tívose en conta que durante o mes de marzo entrarán a debate, no Congreso, a reforma laboral e os Orzamentos Xerais do Estado e que para esa mesma data, tamén convocou folga xeral a maioría sindical vasca.

A CIG presentou hoxe, en rolda de prensa, as mobilizacións acordadas na asemblea de traballadoras/es do Consorcio Galego de Servizos de Igualdade e Benestar (centros de día, escolas infantís “Galiñas Azuis”, oficinas I+B e centros Quérote), en contra da privatización destas escolas infantís e centros de día, en demanda da aplicación do Convenio Único e en defensa da consolidación dos postos de traballo.

Miles de traballadores e traballadoras do sector público galego volveron manifestar este xoves o seu rexeitamento ao Anteproxecto de Lei de Medidas no Emprego Público con concentracións simultáneas nos distintos centros de traballo de todo o País. Mentres o Consello da Xunta abordaba a aprobación do proxecto de lei, dende as organizacións sindicais convocantes (CIG, CCOO, UGT e CSI-F) demandaron do Goberno galego a retirada do mesmo e a apertura de ámbitos de negociacións real non baseados na imposición, no recorte de dereitos sociais e económicos do persoal nin no desmantelamento dos servizos públicos.

CONVENIO XA!!! Na defensa da estabilidade do posto de traballo, pola aplicación do V Convenio e contra a privatización do Consorcio
Nota: Este documento está en formato pdf. Para podelo visualizar precisas o lector Acrobat instalado no teu ordenador

A Xunta de Galiza confirmou a súa aposta pola vía da imposición fronte á negociación durante a reunión da Comisión de Persoal que tivo lugar este mércores por mor do anteproxecto de Lei de Medidas Extraordinarias no Emprego Público. As organizacións sindicais votaron en contra deste texto e volveron demandar a retirada deste proxecto de lei que suporá un grave recorte dos dereitos laborais e económicos do persoal aos servizo das administracións galegas e un deterioro na calidade dos servizos públicos. Ao mesmo tempo, centros de traballadores e traballadoras concentrábanse ás portas da EGAP, onde tivo lugar a xuntanza, para amosar a súa oposición a estas regresivas medidas.

As mobilizacións previstas en contra das Medidas da Xunta contra as empregadas e empregados públicos son as seguintes:

CONVENIO XA!!!. Non á privatización do Consorcio. Estabilidade no Posto de traballo.
Nota: Este documento está en formato pdf. Para podelo visualizar precisas o lector Acrobat instalado no teu ordenador

Dada a gravidade das cuestións a informar e tratar é moi importante a vosa asistencia. A Asemblea celebrarase no IES de Fontiñas (FP), sito na rúa Estocolmo de Compostela (Zona de Fontiñas - Área Central).
Nota: Este documento está en formato pdf. Para podelo visualizar precisas o lector Acrobat instalado no teu ordenador

Máis de 3.000 traballadores e traballadoras do sector público déronse cita esta mañá diante de San Caetano, coincidindo coa celebración do Consello da Xunta. O que inicialmente estaba previsto como unha concentración de delegados e delegadas converteuse finalmente nunha masiva mobilización á que se sumou todo o persoal que por proximidade ou por quendas puido ir a manifestar o seu máis rotundo rexeitamento aos recortes propostos polo goberno do PP. O persoal, que participou masivamente nas asembleas convocadas polas organizacións sindicais, chegou a fletar autobuses desde diversos puntos de Galiza para sumarse a esta mobilización convocada con carácter de urxencia.

O Secretario Nacional da CIG Ensino mostrou o descontento das traballadoras e traballadores coas medidas anunciadas, posto que coa normativa actual, a integración non garantirá os postos de traballo, e volveu esixir a aplicación do V convenio para as traballadoras e traballadores do consorcio, mostrando que non entendíamos como tendo un Convenio Negociado aínda non se aplicara.

O Ministerio de Educación publica hoxe unha orde no BOE pola que se eliminan os novos temarios para o acceso e ingreso nos corpos docentes. Estes temarios non chegaron a aplicarse, xa que foron publicados en novembro de 2011. A medida implica que se recuperen os temarios anteriores a esta última reforma.

Para a CIG-Ensino son gravísimas as novas medidas, presentadas pola Conselleira de Facenda, o venres día 4 de febreiro, que a Xunta do PP pretende aplicar. Amosamos o noso máis rotundo rexeitamento. Estas novas medidas, ás que lle hai que sumar a redución salarial que estamos sufrindo, implican novos e graves recortes nas condicións laborais e salariais do persoal da administración e sector público galego e un deterioro dos servizos públicos.

A Área Pública da CIG manifesta o seu rotundo rexeitamento ás medidas anunciadas pola conselleira de Facenda, no día de hoxe. Medidas que implican recortes nas condicións laborais e salariais e supresión de dereitos do persoal das administracións públicas. A Xunta de Galiza pretende eliminar o cobro do 100% de salario en todas as baixas por debaixo dos 21 días, pode reducir de forma obrigatoria un terzo da xornada e, en consecuencia, de salario, aos traballadores e traballadoras interinos e contratados. A CIG exixirá a reconsideración e  retirada destas propostas ou, do contrario, convocará a todas as empregadas e empregados públicos a mobilizarse en defensa dos seus dereitos.

A CIG Ensino denuncia publicamente que a Consellaría de Educación aínda non pagou as cantidades asignadas aos colaboradores dos comedores escolares xestionados pola Consellaría de Educación nin ao profesorado que coordina o servizo. Nestes días cumprirase un mes de atraso no pagamento correspondente ao primeiro trimestre, é dicir, este persoal non cobrou nada desde o inicio do curso, e moitas veces esta actividade xéralle gastos.

Podedes ler nesta nova os varios da da mesa sectorial, os agrupamos, para unha mellor lectura en contestados e non contestados.

A conxelación da oferta de emprego terá graves consecuencias para o ensino público. Entre outras, o secretario nacional de CIG-Ensino sinala a redución do profesorado nos centros e a supresión de unidades; a imposibilidade de reducir rateos e a consecuente masificación das aulas; o incremento da impartición de afíns e as itinerancias; o incremento de profesorado interino en condicións máis precarias e centros con cadros de persoal inestábeis e insuficientes para aplicar a redución horaria aos maiores de 55 anos.

Despois de máis dun ano da celebración das eleccións constituíuse a nova mesa sectorial, con quince membros na parte sindical. Deses 15 membros, á CIG-Ensino, organización sindical maioritaria co 43% da representación, correspóndenlle 7. Os 8 restantes distribúense entre UGT, 3, CCOO, 3 e ANPE 2.

Na Mesa Sectorial reclamada pola CIG Ensino e que se leva a cabo nestes intres, a CIG Ensino esixiu a convocatoria da oferta de emprego público, unha convocatoria absolutamente necesaria para manter a atención educativa nos centros e para crear emprego. A conxelación da oferta significa que non se cubrirán as xubilacións que se están a producir neste curso, por non falar das que xa se produciron o ano pasado e que non foron cubertas, o que se traduce nun déficit de máis de mil docentes no mesmo inicio do curso. CONCENTRACIÓN MAÑÁ MÉRCORES 1 DE FEBREIRO ÁS 11:15 HORAS DIANTE DA CONSELLARÍA DE EDUCACIÓN.

A CIG-Ensino reclamou onte a celebración dunha Mesa Sectorial para tratar a convocatoria de emprego público en Galiza. Hoxe recibimos a convocatoria da mesa para o día 31 de xaneiro. A CIG-Ensino convocará para o día 1 de febreiro unha concentración reclamando unha oferta de emprego pública que dea cobertura ás necesidades do ensino público en Galiza. Esta concentración celebrarase ás 11:00 diante da Consellaría de Educación.

Esta medida supón que para o curso que vén os centros terán menos profesorado, xa que nin sequera se van cubrir, mediante oferta de emprego, as vacantes que se produzan como consecuencia das xubilacións. Trátase, polo tanto, dun recorte máis dos que constantemente vén sometendo o Goberno do Partido Popular ao ensino público.

O pasado 17 de xaneiro, o Consorcio Galego de Benestar e Servizos Sociais iniciaba a carreira privatizadora das escolas infantís “Galiña Azul”, coa publicación no DOG da privatización da xestión da escola infantil de Monteporreiro, en Pontevedra. A partir desa data, sucedíanse os anuncios de licitación da xestión privada doutras escolas infantís: Betanzos, Carballo, O Pino, Coristanco. Para manifestar a súa rotunda oposición a este proceso de privatización, delegadas e delegados de CIG concentrábanse esta mañá, diante do edificio do Consorcio.

A CIG-Ensino rexistraba esta mañá, no Valedor do Pobo unha queixa contra a consellaría de Educación polo uso “fraudulento e partidario” da web institucional da consellaría. Web que, segundo denunciou Anxo Louzao, “ataca, terxiversa e falsea as posicións da CIG-Ensino, sen que nin sequera teña dereito de réplica”.

A CIG Ensino quere denunciar que o servizo de asistencia xurídica do que a Consellaría fixo alarde estes días pasados non só é unha privatización dun servizo que debería prestar a Consellaría e unha burla ao profesorado ao ultralimitar a súa eficacia, impedindo consultas que non lle interesen á Xunta de Galiza.

Mira Lema fai gala dunha actitude prepotente. Atrévese a negar o uso da palabra, como así aconteceu na mesa sectorial de 19 de xaneiro, na que impediu que a CIG-Ensino presentase como cuestión previa a forma en que se están a convocar as mesas sectoriais. A Mira Lema moléstalle especialmente a presenza da CIG-Ensino, mostrando a súa animadversión constante que se demostra mesmo na súa reticencia a nomeala.

A CIG Ensino denuncia que continúa o ciclón privatizador. Despois de denunciar o inicio da privatización das escolas infantís, a primeira vez que se pon en mans privadas a xestión dun servizo educativo público o que supón un feito dunha enorme gravidade, hoxe, 19 de xaneiro temos que denunciar que se pon en mans privadas, nada menos que a atención ao profesorado que lle corresponde á Consellaría.

O Consorcio Galego de Benestar e Servizos Sociais comezou no día de onte, 17 de xaneiro, a carreira para privatizar as novas escolas infantís que abrirán as portas proximamente. Fíxoo anunciando no DOG a privatización da escola infantil de Monteporreiro (Pontevedra). Hoxe, 18 de xaneiro, anúnciase a licitación da xestión privada das escolas de Betanzos e Carballo. Estes novos centros educativos formarán parte da rede de Galescolas creada polo anterior goberno da Xunta mais serán as primeiras en ter unha xestión privada.